12.10.2026 | 21:17
Հայաստանի մի շարք հասցեներում էլեկտրաէներգիայի անջատումներ կլինեն
Սերժ Սարգսյան պետական գործչի պահանջը ՀՀ-ում և հայության մոտ կա․ Շարմազանովը՝ Ս․ Սարգսյանի հետագա պաշտոնավարման մասին
Տեսանյութեր
10.07.2017 | 16:36
Ազգային ժողովի փոխնախագահ Էդուարդ Շարմազանովը չի ցանկանում մեկնաբանել ԱԺ նախկին նախագահ, ՀՀԿ պատգամավոր Գալուստ Սահակյանի հայտարարությունն այն մասին, որ հայ ազգը պետք է ընդունի՝ 2018 թվականին Սերժ Սարգսյանը պետք է ղեկավարի երկիրը: «Պարոն Գալուստ Սահակյանի հայտարարությանն անդրադառնալու կարիք չեմ տեսնում, պարոն Սահակյանն ասել է իր կարծիքը»,- պատասխանելով Factor.am-ի հարցին՝ ասաց Շարմազանովը:
Մեր հարցին, թե ինչպիսի է անձամբ իր կարծիքը Սերժ Սարգսյանի պաշտոնավարման հետ կապված, ՀՀԿ-ական պաշտոնյան հորդորեց սպասել մինչ 2018 թվականը, ապա ավելացրեց, որ հպարտ է լինել մի թիմի ներկայացուցիչ, որի առաջնորդը Սերժ Սարգսյանն է: «Կարող եմ հստակ ասել՝ Սերժ Սարգսյան պետական գործչի ծառայությունների պահանջը Հայաստանի Հանրապետությանը և առհասարակ հայությանը ես տեսնում եմ, որ կա »,- եզրափակեց Էդուարդ Շարմազանովը:
