01.05.2026 | 09:27
Հայաստանի Հանրապետությունը ծաղկում է ապրում, և սա բոլորիդ աշխատանքի շնորհիվ է․ ՀՀ վարչապետի ուղերձը
Մոսկվայում պայթել է Ուկրաինայի անվտանգության ծառայության նախկին աշխատակցի ավտոմեքենան
Քաղաքականություն
12.04.2024 | 22:35
Մոսկվայի հյուսիսում ավտոմեքենա է պայթել, վարորդը վիրավորվել է։ ՏԱՍՍ-ի փոխանցմամբ՝ Toyota Land Cruiser Prado մակնիշի մեքենան պատկանել է Ուկրաինայի անվտանգության ծառայության նախկին աշխատակից Վասիլի Պրոզորովին։ Աղբյուրի տվյալներով՝ պայթյունը տեղի է ունեցել, երբ տղամարդը գործի է դրել մեքենան։ Նա ոտքի վնասվածք է ստացել և հոսպիտալացվել, գրում է «112» Telegram ալիքը։
Քննչական կոմիտեն քրեական գործ է հարուցել «Մոսկվայի Կորովինսկոյե խճուղում տեղի ունեցած միջադեպի առնչությամբ, որի հետևանքով ավտոմեքենա է վնասվել, իսկ տերը՝ վիրավորվել»։ Թե կոնկրետ ինչ հոդվածով է գործ հարուցվել, չի պարզաբանվում, գրում է BBC-ի ռուսական ծառայությունը։
Վասիլի Պրոզորովն Ուկրաինայի անվտանգության ծառայության նախկին աշխատակից է։ Նա ճանաչում է ձեռք բերել 2019 թվականի մարտին այն բանից հետո, երբ Ռուսաստանում հանդես եկավ մամուլի ասուլիսով և հայտարարեց, որ 2014 թվականից մինչև 2018-ի իր հրաժարականը համագործակցել է Ռուսաստանի հետ «գաղափարական նկատառումներով»։
Դրանից հետո Ուկրաինայի անվտանգության ծառայությունը հայտարարություն հրապարակեց, որում ասվում էր. «Խմելով սպայի պատվի համար՝ Պրոզորովը որոշեց առևտուր անել իր խղճի և զինվորական երդման հետ՝ գտնելով «արժանի» գնորդներ Ռուսաստանի Դաշնության ԱԴԾ-ից։ Այնուամենայնիվ, այս հրեշը պետք է հիշի Հուդայի ճակատագիրը: Դա ուղղակի ժամանակի հարց է»:
