06.04.2026 | 23:30
Հրդեհ Թաիրով բնակավայրում. այրվել է ավտոմեքենա
Ադրբեջանն առաջարկել է Արցախի Բերձորին ԱՊՀ մշակութային մայրաքաղաքի կարգավիճակ շնորհել
Քաղաքականություն
12.04.2024 | 15:41
Բաքուն առաջարկում է Բերձորին ԱՊՀ մշակութային մայրաքաղաքի կարգավիճակ տալ։ Ադրբեջանական լրատվամիջոցները գրում են, որ երկրի արտգործնախարար Ջեյհուն Բայրամովը նման առաջարկել է ներկայացրել Մինսկում ԱՊՀ ԱԳ նախարարների խորհրդի նիստում։
Նշվում է, որ Բայրամովը նիստի մասնակիցներին տեղեկացրել է ԱՊՀ շրջանակում տնտեսական-առևտրային, ինչպես նաև մշակութային-հումանիտար ոլորտներում համագործակցության ներկա իրավիճակի և ապագայի հեռանկարների վերաբերյալ Ադրբեջանի տեսակետի մասին։
«Բացի այդ, տեղեկատվություն է ներկայացվել Ադրբեջանում կայանալիք COP29-ի, ԱՊՀ-2025 Գյանջայում կայանալիք խաղերի, ինչպես նաև Լաչին քաղաքին ԱՊՀ մշակութային մայրաքաղաքի կարգավիճակ շնորհելու հայտի հետ կապված կատարված աշխատանքի վերաբերյալ»,- ասվում է հայտարարության մեջ։
Հիշեցնենք՝ Մինսկում անցկացվող ԱՊՀ ԱԳՆ ղեկավարների խորհրդի հանդիպմանը ՀՀ ԱԳ նախարար Արարատ Միրզոյանը չի մասնակցում։ Հայաստանը ներկայացնում է ԱԳ փոխնախարար Մնացական Սաֆարյանը։
