09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Հնդկաստանի պաշտպանական ընկերությունը խզել է պայմանագրերը թուրքական ընկերությունների հետ՝ Անկարայի հակահնդկական դիրքորոշման պատճառով
Քաղաքականություն
12.04.2024 | 14:10
Հնդկաստանի Պաշտպանության նախարարության «Hindustan Shipyard Limited» ընկերությունը դադարեցրել է բոլոր պայմանավորվածությունները թուրքական ընկերությունների հետ նավատորմի աջակցության հինգ նավերի նախագծման և զարգացման ծրագրերում, գրում են հնդկական լրատվամիջոցները։
Ավելի վաղ Hindustan Shipyard Limited-ը թուրքական ընկերություններին ներգրավել էր՝ Հնդկաստանի ռազմածովային ուժերի համար հինգ ռազմանավ կառուցելու նպատակով: Այժմ նավաշինարանն ինքնուրույն կիրականացնի նախագծի աշխատանքները։
«Թուրքական ընկերությունների հետ պայմանավորվածություններն անհրաժեշտ էին մինչև անցյալ տարվա օգոստոսին կենտրոնական կառավարությունից վերջնական հավանություն ստանալը»,- ասել են ՊՆ պաշտոնյաները:
Հաղորդվում է, որ թուրքական ընկերությանը նախագծից հեռացնելու որոշումը կայացվել է Թուրքիայի հակահնդկական դիրքորոշման ֆոնին, հատկապես՝ Քաշմիրի խնդրի շուրջ։
