09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
ԱՄՆ-ին սպառնում է «Կրոկուս սիթի հոլլի» նման ահաբեկչության վտանգ․ Հետաքննությունների դաշնային բյուրո
Քաղաքականություն
12.04.2024 | 11:27
Հետաքննությունների դաշնային բյուրոն (ՀԴԲ) մտահոգված է, որ Միացյալ Նահանգներին կարող է սպառնալ համակարգված ահաբեկչություն, ինչպիսին այն դեպքն էր, որը տասնյակ մարդկանց կյանք խլեց անցյալ ամիս մերձմոսկովյան «Կրոկուս սիթի հոլլ» համերգասրահում։ VOA-ի փոխանցմամբ՝ այս մասին ասվում է Ներկայացուցիչների պալատի հատկացումների հանձնաժողովում լսումների ժամանակ ՀԴԲ տնօրեն Քրիստոֆեր Ռեյի ելույթի տեքստում։
«Իրավապահ համակարգում իմ ամբողջ կարիերայի ընթացքում կդժվարանայի պատկերացնել, որ կարող են միաժամանակ հասարակական ու ազգային անվտանգությանն ուղղված այդքան սպառնալիքներ առաջանալ։ Բայց հիմա հենց այդպես է»,- հայտարարել է ՀԴԲ տնօրենը։
Հիշեցնենք՝ մարտի 22-ին Մոսկվայի արվարձանում գտնվող համերգասրահի վրա հարձակման հետևանքով զոհվել էր առնվազն 144 մարդ։ Խոսքը վերջին 20 տարիների ընթացքում Ռուսաստանում տեղի ունեցած ամենաարյունալի ահաբեկչության մասին է։
