05.05.2024 | 21:15
Եղվարդ-Երևան ավտոճանապարհին մեքենան բախվել է բետոնե էլեկտրասյանը և գլխիվայր շրջվել
Իսրայելի վրա Իրանի հնարավոր հարձակումը չի հանգեցնի հակամարտությանը ԱՄՆ-ի միջամտությանը. Սպիտակ տուն
Քաղաքականություն
12.04.2024 | 11:39
Միացյալ Նահանգները կանխատեսում է, որ Իրանը կարող է հարվածել Իսրայելին, սակայն հարձակումն այնքան լայնամասշտաբ չի լինի, որպեսզի Վաշինգտոնը միջամտի հակամարտությանը։ Այս մասին հայտնում է VOA-ն՝ հղում անելով Սպիտակ տան աղբյուրին։
Ավելի վաղ Սպիտակ տունը հայտարարել էր, որ Վաշինգտոնը չի ցանկանում Մերձավոր Արևելքում հակամարտության տարածում, ինչպես նաև վստահեցրել Թեհրանին, որ կապ չունի Դամասկոսում Իրանի դիվանագիտական ներկայացուցչության վրա ավիահարվածի հետ, որի հետևանքով զոհվեցին իրանցի բարձրաստիճան զինվորականներ։
ԱՄՆ վարչակազմը նաև Իրանին նախազգուշացրել է՝ զերծ մնալ այս գրոհը որպես տարածաշրջանում հետագա էսկալացիայի առիթ օգտագործելուց։
Դամասկոսում Իրանի դեսպանատանը, հավանաբար, հարվածել է Իսրայելական ռազմական ինքնաթիռը։ Հարձակման հետևանքով զոհվել են բարձրաստիճան իրանցի գեներալ ու ևս վեց իրանցի զինվորականներ, ինչը սրել է լարվածությունը տարածաշրջանում: Իրանը խոստացել է վրեժ լուծել Իսրայելից հարձակման համար:
Իսրայելը որևէ կերպ չի մեկնաբանել Դամասկոսում իրականացված հարձակումը։
