09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Ուկրաինան հայտնում է 16 խոցված ԱԹՍ-ի, ՌԴ ՊՆ-ն՝ 5-ի մասին
Քաղաքականություն
12.04.2024 | 11:16
Ապրիլի 12-ի գիշերը ռուսական զորքերը հարվածել են Ուկրաինային 17 «Շահեդ» տիպի գրոհային անօդաչու թռչող սարքերով և X-59 կառավարվող հրթիռով, հայտնում է Ուկրաինայի ԶՈւ ՌՕՈւ հրամանատարությունը, փոխանցում է Current Time-ը։
Ըստ ուկրաինացի զինվորականների՝ անօդաչու թռչող սարքերն արձակվել են բռնակցված Ղրիմի Չաուդա հրվանդանից, իսկ հրթիռը արձակվել է Դոնեցկի շրջանի օկուպացված հատվածից։ Տեղեկացվում է, որ Նիկոլաևի, Օդեսայի, Խերսոնի, Դնեպրոպետրովսկի, Վիննիցայի և Խմելնիցկի շրջաններում 16 անօդաչու թռչող սարքեր են ոչնչացվել։
Դնեպրոպետրովսկի մարզի Կրիվոյ Ռոգ շրջանում անօդաչու թռչող սարքի բեկորներն ընկել են կարևոր ենթակառուցվածքի օբյեկտի տարածքում։ Հրդեհ է բռնկվել, որը ավելի ուշ մարվել է։
Ռուսաստանի պաշտպանության նախարարությունը հայտնել է, որ չորս անօդաչու թռչող սարք է ոչնչացվել Ռոստովի մարզում, իսկ մեկը՝ Բելգորոդի շրջանում։
Հիշեցնենք, որ ապրիլի 11-ի գիշերը ռուսական բանակը «Շահեդ» տիպի թևավոր հրթիռներով և անօդաչու սարքերով զանգվածային հարձակման է ենթարկել Ուկրաինան։ Ինչպես հաղորդում է Ukrenergo-ն, հարձակման են ենթարկվել երկրի հինգ շրջաններում գտնվող էներգետիկ օբյեկտները՝ Խարկովում, Կիևում, Զապորոժիեում, Օդեսայում և Լվովում։ «Ցենտրէներգոն» հայտարարել է, որ հարվածների հետևանքով ամբողջությամբ ավերվել է Կիևի մարզի «Տրիպոլսկայա» ՋԷԿ-ը, վնասվել է Խարկովի քաղաքային ՋԷԿ-ը, հարձակման է ենթարկվել նաև Սումի քաղաքի ՋԷԿ-ը։
