21.06.2026 | 17:14
Իրանը ներկայացրել է իր ակնկալիքները ԱՄՆ-ի հետ Շվեյացարիայում կայանալիք բանակցություններից
80 մլն դրամի արտոնություն՝ ՀՀԿ-ական Վաչագան Ղազարյանին
Տնտեսություն
12.04.2024 | 09:45
ՀՀ կառավարության օրակարգում է «Արփիմեդ» ընկերությանն ազատել 80 մլն դրամ մաքսատուրքից։ Այս ընկերությունը զբաղվում է դեղերի արտադրությամբ և նախատեսում է 2 մլրդ դրամի ներդրում կատարել՝ նոր սարքավորումների, հումքի ձեռքբերման և շինարարական աշխատանքների իրականացման համար։
Արտոնություն ստանալու համար ներկայացված ապրանքների արժեքը կազմում է 1․59 մլրդ դրամ: Նախատեսվում է ներդրումային ծրագրի շրջանակներում մինչև 2026 թվականը աշխատատեղերի թիվը հասցնել 225-ի՝ 230-260 հազ․ դրամ միջին ամսական աշխատավարձով։
Factor TV-ին իրավաբանական անձանց պետական ռեգիստրից պարզեց, որ «Արփիմեդ» ընկերությունը պատկանում է Վաչագան Ղազարյանին։
Վաչագան Ղազարյանը 2017 թվականի ԱԺ ընտրությունների ժամանակ ընդգրկված է եղել ՀՀԿ նախընտրական ցուցակում։
Այս ընկերությունում բաժնեմաս է ունեցել նաև Արտակ Հարությունյանը։ Նա Սահմանադրական դատարանի նախկին նախագահ Գագիկ Հարությունյանի որդին է։ Արտակ Հարությունյանը զբաղեցրել է Գլխավոր դատախազության հետաքննության և նախաքննության օրինականության նկատմամբ հսկողության վարչության պետի պաշտոնը։ «Արփիմեդ» ընկերությունն իր բաժնեմասը վաճառել է Վաչագան Ղազարյանին՝ 2022 թվականին։
Նարեկ Կիրակոսյան
