24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Ծայրահեղ շոգը վտանգի տակ է դնում ավելի քան 243 միլիոն երեխայի կյանքը
Քաղաքականություն
11.04.2024 | 23:17
ՅՈՒՆԻՍԵՖ-ի տվյալներով՝ առաջիկա ամիսներին ծայրահեղ շոգը կարող է Արևելյան Ասիայի և Խաղաղ օվկիանոսի ավելի քան 243 միլիոն երեխաների մահվան վտանգի է ենթարկել՝ հիվանդությունների և առողջական խնդիրների պատճառով: Մասնագետները բացատրում են, որ երեխաներն ավելի քիչ են կարողանում կարգավորել իրենց մարմնի ջերմաստիճանը, քան մեծահասակները, ինչը նշանակում է, որ նրանք ավելի խոցելի են սիրտ-անոթային և շնչառական հիվանդությունների նկատմամբ, գրում է Forbes-ը։
«Երեխաներն ավելի խոցելի են, քան մեծահասակները կլիմայի փոփոխության հետևանքների նկատմամբ, չափազանց տաք եղանակը նրանց համար պոտենցիալ մահացու վտանգ է ներկայացնում: Այս ամառ մենք պետք է բարձր զգոնություն ցուցաբերենք՝ պաշտպանելու երեխաներին և խոցելի համայնքներին վատթարացող ջերմային ալիքներից և այլ կլիմայական ցնցումներից»,- ասել է ՅՈՒՆԻՍԵՖ-ի Արևելյան Ասիայի և Խաղաղ օվկիանոսի տարածաշրջանային տնօրեն Դեբորա Կոմինին:
Ավելի վաղ Կոլումբիայի համալսարանում հետազոտողները պարզել են, որ մոլորակի ջերմաստիճանի բարձրացումն ազդում է հոսպիտալացված հիվանդների թվի վրա, որոնք տառապում են խնդիրներից՝ կապված թմրանյութերի ու ալկոհոլի հետ։
