30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՌԴ-ում ջրհեղեղները հասել են Արևմտյան Սիբիր․ բնակիչները բողոքում են՝ ոչ ոք իրենց չի օգնում
Քաղաքականություն
11.04.2024 | 23:02
Ռուսաստանում շարունակվում են սաստիկ ջրհեղեղները։ Օրենբուրգը հեղեղված է, ջուրը հասել է նաև Արևմտյան Սիբիր։ Կեմերովոյի շրջանում Մրասու գետը մասամբ հեղեղել է Ուստ-Կաբիրզա գյուղը։ Վերջին 24 ժամվա ընթացքում Տոմ գետի ջրի մակարդակը, որի վրա գտնվում են Տոմսկը և Կեմերովոն, զգալիորեն բարձրացել է։ Տոմսկը նույնպես ջրհեղեղի վտանգի տակ է։
Գարնանային հեղեղումները հասել են նաև Կուզբաս։ Կեմերովայի բնակիչները պատմել են, որ ջուրը քշում է իրենց կենցաղային տեխնիկան, կենդանիներին ու ոչ մեծ շինությունները։ Նրանց խոսքով՝ իրենց ոչ ոք օգնություն չի ցուցաբերում, գրում է Baza-ն։
Իր հերթին, ՌԴ Արտակարգ իրավիճակների նախարարությունը հայտնում է, որ հեղեղումներով պայմանավորված՝ մարզում իրավիճակը գտնվում է տեղի վարչության աշխատակիցների հսկողության տակ։ Վարչակազմը պնդում է, որ մի քանի տասնյակ բնակիչներ տարհանվել են։
Այժմ բնակավայրում էլեկտրականություն չկա, բջջային կապն ընդհատումներով է աշխատում։
