02.05.2024 | 13:52
Ոստիկանությունն ուժ գործադրելու լեգիտիմ իրավունք պետք է ունենա․ Փաշինյան․ ՏԵՍԱՆՅՈՒԹ
ՌԴ ՊՆ-ն հաստատել է Ուկրաինայի էներգետիկ օբյեկտների վրա հարձակումները
Քաղաքականություն
11.04.2024 | 16:34
Ռուսաստանի ՊՆ-ն հաստատել է, որ գիշերը ռուսական բանակը հարձակվել է ուկրաինական էներգետիկ օբյեկտների վրա, գրում է BBC-ի ռուսական ծառայությունը։
Հաղորդագրության մեջ ասվում է, որ զանգվածային գնդակոծությունն իրականացվել է «ի պատասխան Կիևի վարչակարգի՝ ռուսական նավթագազային արդյունաբերությանը և էներգետիկ օբյեկտներին վնաս պատճառելու փորձերի»։
Ռուսական կողմը պնդում է, որ «հարվածի նպատակներն իրականացվել են, բոլոր օբյեկտները՝ խոցվել»։ Նշվում է, որ հարվածի հետևանքով «խաթարվել է ուկրաինական ռազմական արդյունաբերության ձեռնարկությունների աշխատանքը, խափանվել է ռեզերևների տեղափոխումը մարտական շրջաններ, ինչպես նաև վառելիքի մատակարարումը Ուկրաինայի զինված ուժերի ստորաբաժանումներին և զորամասերին խոչընդոտվել է»։
Ռուսաստանը 2022 թվականի աշնանից պարբերաբար հարվածներ է հասցնում Ուկրաինայի էներգետիկ ենթակառուցվածքներին։
Գիշերային հարձակումներից հետո ամբողջությամբ ավերվել է Կիևի տարածաշրջանի ամենամեծ էլեկտրակայանը։
