24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
ՄԱԿ-ում հայտարարել են, որ մարդկությանը 2 տարի ժամանակ է մնացել՝ կլիմայական աղետից աշխարհը փրկելու համար
Քաղաքականություն
11.04.2024 | 22:22
ՄԱԿ-ի կլիմայական գործակալության ղեկավարն ասել է, որ մարդկությունն ընդամենը երկու տարի ունի «աշխարհը փրկելու համար»: ՄԱԿ-ի Կլիմայի փոփոխության շրջանակային կոնվենցիայի գործադիր քարտուղար Սայմոն Սթիլը կոչ է արել կտրուկ փոփոխություններ կատարել ջերմոցային գազերի արտանետումները զսպելու համար և ֆինանսական լուծումներ առաջարկել, որոնք առաջնահերթություն են տալիս կլիմային, գրում է VOA-ն։
Սթիլն ասել է, որ հասկանում է՝ նախազգուշացումը կարող է մելոդրամատիկ թվալ, այնուամենայնիվ, անհրաժեշտ են հրատապ գործողություններ:
«Ո՞վ ունի այս երկու տարին աշխարհը փրկելու համար: Պատասխանն է՝ յուրաքանչյուր մարդ այս մոլորակի վրա։ Ավելի ու ավելի շատ մարդիկ, տարբեր համայնքներում և ամբողջ քաղաքական սպեկտրում, ցանկանում են կլիմայական գործողություններ, քանի որ զգում են կլիմայական ճգնաժամի ազդեցությունն իրենց առօրյա կյանքի և իրենց բյուջեի վրա»,- ասել է նա:
Նախազգուշացումը, մասնավորապես, ուղղված է G20 երկրներին, որոնց թվում են զարգացած և զարգացող տնտեսությունները, ինչպիսիք են ԱՄՆ-ը, Չինաստանը և Հնդկաստանը։ Այս երկրներին բաժին է ընկնում ջերմոցային գազերի արտանետումների 80%-ը, ինչը, ըստ Սթիլի, պետք է ստիպի նրանց կենտրոնական դեր խաղալ մեղմացման ծրագրերում:
