12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
ՌԴ հարվածից ավերվել է Կիևի ամենամեծ ՋԷԿ-ը․ հարակից բնակավայրերի բնակիչներին կոչ են արել փակել պատուհանները․ ՏԵՍԱՆՅՈՒԹ
Քաղաքականություն
11.04.2024 | 15:21
Ուկրաինական «Ցենտրէներգո» էներգետիկ ընկերության դիտորդական խորհրդի ղեկավար Անդրեյ Գոտան «Ինտերֆաքս-Ուկրաինա»-ին հայտնել է, որ ռուսական հարվածի հետևանքով ամբողջությամբ ավերվել է Կիևի մարզի խոշորագույն «Տրիպոլիի» ջերմաէլեկտրակայանը, փոխանցում է BBC-ի ռուսական ծառայությունը։
Նրա խոսքով՝ «բոլոր աշխատակիցները, որոնք գնդակոծությունների ժամանակ աշխատանքի են եղել, ողջ են»։
Գոտան ասել է, որ հարվածի հետևանքով զանգվածային հրդեհ է գրանցվել տուրբինային բաժնում, որի դեմ այժմ պայքարում են հրշեջ ծառայությունները։
«Ցենտրէներգոն» այժմ կորցրել է էլեկտրաէներգիայի արտադրության ամբողջ հզորության 100%-ը. այս տարվա մարտի 22-ին ռուսական հարվածն ամբողջությամբ ոչնչացրեց Խարկովի մարզում գտնվող «Զմիևսկայա» ՋԷԿ-ը, իսկ 2022-ին ռուսները գրավել էին Դոնեցկի շրջանի «Ուգլեգորսկայա» ՋԷԿ-ը։
Կիևի շրջանային վարչակազմի ղեկավար Ռուսլան Կրավչենկոն իր Telegram-ի ալիքում հայտնել է, որ «տարածաշրջանի էներգետիկ օբյեկտներից մեկում» բռնկված հրդեհը մասնակիորեն մարվել է։ Կրավչենկոյի խոսքով՝ էներգետիկները կարողացել են արագորեն նորից միացնել ցանցը, ուստի շրջանի բնակիչները շարունակում են էլեկտրաէներգիա ստանալ։ Վերականգնվել է նաև ջրամատակարարումը։
«Տրիպոլիի» ՋԷԿ-ի վրա հարձակման մասին ավելի վաղ հայտնել էին ուկրաինական լրատվամիջոցները։ Մոտակա Ուկրաինկա քաղաքի ղեկավարը բռնկված հրդեհի պատճառով բնակիչներին կոչ է արել փակ պահել պատուհանները։
«Ցենտրէներգոյի» կայքում հրապարակված հաղորդագրությունում ասվում է, որ «Տրիպոլիի» ՋԷԿ-ի շինարարությունը սկսվել է 1967 թվականին, իսկ վերջին էներգաբլոկը շահագործման է հանձնվել 1972 թվականին։
Մանրամասները՝ տեսանյութում
