24.06.2026 | 20:10
Զինվորի տունը՝ նաև երեխաների համար․ վերականգնողական նոր բաժանմունք է բացվել. ՏԵՍԱՆՅՈՒԹ
Եվրախորհրդարանը տուգանել է լատվիացի պատգամավորին՝ ՌԴ ԱԴԾ-ի հետ կապերի համար
Քաղաքականություն
11.04.2024 | 16:10
Եվրախորհրդարանի պատգամավոր, Լատվիայի «Ռուսական միություն» կուսակցության հիմնադիր Տատյանա Ժդանոկին չեն վճարի օրական 1750 եվրոյի չափով վճարները հինգ օրվա ընթացքում՝ խորհրդարանի պատգամավորների վարքագծի կանոնները խախտելու համար։ Այս մասին հայտարարել է Եվրախորհրդարանի նախագահ Ռոբերտա Մեցոլան, գրում է Current Time-ը։
Ժդանոկին նաև արգելել են ներկայացնել ԵԽ-ն համագործակցության պատվիրակությունում, միջխորհրդարանական համաժողովում կամ որևէ այլ միջգերատեսչական ֆորումում մինչև այս գումարման ավարտը։ Մեցոլան նշել է, որ Ժդանոկը չի բողոքարկել որոշումը, ուստի այն վերջնական է։
Պատգամավորի նկատմամբ հետաքննությունը սկսվել է 2024 թվականի մարտին։ Այն կապված էր ՌԴ ԱԴԾ-ի հետ նրա ենթադրյալ համագործակցության հետ: 2023 թվականի հունվարի վերջին The Insider-ը հետաքննություն էր հրապարակել Ժդանոկի էլեկտրոնային նամակագրության հիման վրա։ Այդ նամակների համաձայն՝ նա առնվազն 2004 թվականից իր գործունեության մասին զեկուցել է ԱԴԾ հինգերորդ ծառայության աշխատակիցներին և գումար խնդրել միջոցառումներ կազմակերպելու համար։ Նույն թվականին նա դարձել է Եվրախորհրդարանի անդամ։
Ժդանոկը հերքել էր ռուսական հատուկ ծառայությունների հետ համագործակցության մեղադրանքները, սակայն չէր հերքել նամակագրության իսկությունը: Նա նաև հայտարարել էր, որ անձնական էլեկտրոնային փոստը կոտրելն առանց իրավապահ մարմինների թույլտվության՝ անձնական տվյալների գողություն է:
«Ինձ վախեցնել չի հաջողվի։ Ես և իմ համախոհ գործընկերները շարունակում ենք և կշարունակենք օգտագործել Եվրախորհրդարանի հարթակը նեոֆաշիզմի դեմ պայքարելու համար։ Որոշ մարդկանց հետ իմ շփումների վերաբերյալ մեղադրանքները, որն ուղղակի քաղաքական գործչի պարտականությունն է, չեն աշխատի»,- ասել էր լատվիացի պատգամավորը։
