30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Օրենբուրգի մարզում Ուրալ գետի մակարդակի հետագա բարձրացում է կանխատեսվում
Քաղաքականություն
11.04.2024 | 15:33
Ռուսաստանի Օրենբուրգի երկրամասում, որը տուժել է աղետալի ջրհեղեղից, Ուրալ գետի ջրի մակարդակը շարունակում է բարձրանալ, առաջիկա 24 ժամում տարածաշրջանում կարող է ջրի տակ մնալ ևս 3,5 հազար բնակելի շենք, հայտնում է երկրամասի կառավարության մամուլի ծառայությունը, գրում է DW-ի ռուսական ծառայությունը։
«Առաջիկա 24 ժամվա ընթացքում կանխատեսվում է Ուրալ գետի ջրի մակարդակի հետագա բարձրացում և 7 մունիցիպալիտետի 25 բնակավայրերի 3580 բնակելի շենքերի, 3950 կենցաղային հողատարածքների հեղեղում»,- ասվում է հաղորդագրության մեջ
Օրենբուրգի շրջանի վարչակազմը նշել է, որ Ուրալ գետի ջրի մակարդակն ավելացել է 32 սմ-ով անցած գիշերվա ընթացքում։
«Ապրիլի 11-ի ժամը 6:00-ի դրությամբ՝ գետի ջրի մակարդակը եղել է 1054 սմ, վտանգավոր ցուցանիշը գերազանցվել է 124 սմ-ով»,- ասվում է հաղորդագրության մեջ։
Իշխանությունները բնակչությանը կոչ են արել տարհանվել հեղեղված տարածքներից։
Վերջին տվյալներով՝ Օրենբուրգի մարզում շուրջ 12 հազար տուն մնացել է ջրի տակ։
