06.04.2026 | 23:00
Թեհրանը հայտարարում է, որ Իրանի և Ադրբեջանի նախագահների միջև բանակցությունները հարթել են թյուրըմբռնումները
Բելառուսի քննչական մեկուսարանում մահացել է քաղբանտարկյալ Ալեքսանդր Կուլինիչը
Քաղաքականություն
11.04.2024 | 12:12
Բելառուսի Բրեստ քաղաքի քննչական մեկուսարանում մահացել է պահեստազորի փոխգնդապետ, քաղբանտարկյալ Ալեքսանդր Կուլինիչը։ Երկու օրից նա 52 տարեկան կդառնար:
Պաշտոնական վարկածի համաձայն՝ բանտարկյալը մահացել է սրտի իշեմիկ հիվանդությունից, գրում է VOA-ն։
Կուլինիչը ձերբակալվել էր փետրվարի 29-ին Բրեստում՝ Ալեքսանդր Լուկաշենկոյին վիրավորելու մեղադրանքով։ Հայտնի է նաև, որ նա դեմ է եղել Ուկրաինայում ռազմական ագրեսիային, մասնավորապես, դրան Բելառուսի մասնակցությանը և աջակցել է Ուկրաինայի զինված ուժերի կողմից կռվող կամավորներին։
Ալեքսանդր Կուլինիչի գործով դատավարությունը պետք է սկսվեր ապրիլի 16-ին։
«Sota» տելեգրամ-ալիքը նշում է, որ 2020 թվականից՝ Բելառուսում զանգվածային բռնաճնշումների սկսվելուց ի վեր, երկրի բանտերում արդեն առնվազն տասը քաղբանտարկյալներ են մահացել։
