Քաղաքականություն
11.04.2024 | 13:40
Ռուս զինվորականներն ապրիլի 11-ին հարվածներ են հասցրել Խարկովին հրթիռներով և «Շահեդ» անօդաչու թռչող սարքերով, տեղի իշխանություններն էլեկտրաէներգիայի մատակարարումների խափանումների մասին են հաղորդում։ Օդային տագնապ է հայտարարվել Ուկրաինայի ամբողջ տարածքում, գրում է Current Time-ը։
Ուկրաինայի էներգետիկայի նախարարը հայտնել է, որ հարվածի տակ են եղել երկրի 4 մարզերում՝ Խարկովում, Կիևում, Զապորոժյեու ու Լվովում էներգետիկ օբյեկտները։
Խարկովի շրջանային ռազմական վարչակազմի ղեկավար Օլեգ Սինեգուբովը պարզաբանել է, որ առնվազն տասը հարված է հասցվել Խարկով քաղաքի և շրջանի կարևոր ենթակառուցվածքին։
«Հնարավոր է, որ հոսանքազրկումներ լինեն: Այս պահին տուժածների մասին տեղեկություններ չկան: Տվյալները թարմացվում են»,- գրել է նա:
Քաղաքապետ Իգոր Տերեխովն իր հերթին հայտնել է Խարկովում տեղի ունեցած պայթյունների մասին։
«Հնարավոր է՝ էլեկտրամատակարարման հետ կապված խնդիրներ լինեն, մետրոն չի աշխատի առաջիկա մի քանի ժամերին»,- զգուշացրել է նա։
