07.10.2026 | 15:18
Ահազանգ. «Գուստավ» ռեստորանի մենեջերը թաքնված տեսախցի՞կ է տեղադրել աղջիկների զուգարանում
Կաբարդինո-Բալկարիայի Չերեկսկի շրջանում հակաահաբեկչական ռեժիմ է հայտարարվել, հաղորդվում է զինված անձանց մասին
Քաղաքականություն
11.04.2024 | 12:34
ՌԴ Կաբարդինո-Բալկարիայի Հանրապետության Չերեկսկի շրջանի որոշ հատվածներում, ինչպես նաև Նալչիկում հակաահաբեկչական գործողության ռեժիմ է սահմանվել, ապրիլի 11-ի առավոտյան հայտնել են տարածաշրջանային օպերատիվ շտաբից, փոխանցում է Current Time-ը։
Ավելի ուշ Ազգային հակաահաբեկչական կոմիտեն հայտարարել է, որ հատուկ ջոկատայիններն արգելափակել են զինված մարդկանց, ովքեր «կրակ են բացել անվտանգության ուժերի վրա, երբ նրանցից պահանջել են հանձնվել»։ Անվտանգության աշխատակիցների խոսքով՝ ԱԴԾ հատուկ ջոկատայիններն արգելափակել են նրանց Նալչիկում գտնվող «Նասիպ» այգեգործական ընկերության տարածքում։
«Իրավապահ ուժերի գործունեության համակարգումն ապահովում է Ազգային հակաահաբեկչական կոմիտեի օպերատիվ շտաբը, իրավիճակի մասին լրացուցիչ կտեղեկացվի»,- հավելել են կոմիտեից։
Կաբարդինո-Բալկարիայի Հանրապետության Չերեկսկի շրջանում հակաահաբեկչական օպերացիայի ռեժիմը սահմանվել է ժամը 05:12-ին՝ ՌԴ Անվտանգության դաշնային ծառայության ղեկավար Պյոտր Գրոմուշկինի որոշմամբ՝ «ահաբեկչական գործողությունը ճնշելու և բացահայտելու նպատակով»։
Նախորդ անգամ հակաահաբեկչական օպերացիայի ռեժիմ սահմանվել էր մարտի 31-ին Կասպիյսկում, ինչպես նաև Մախաչկալայի Լենինսկի և Սովետսկի շրջաններում։ Այն ժամանակ հատուկ ջոկատայինները ձերբակալել էին երեք անձի, որոնք, իբր, ներգրավված են եղել ահաբեկչական գործունեության մեջ։
