12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Իրանի հարձակման դեպքում Իսրայելին մեր աջակցությունը կլինի երկաթյա. Բայդեն
Քաղաքականություն
11.04.2024 | 10:39
ԱՄՆ նախագահ Ջո Բայդենը զգուշացրել է, որ Իրանը սպառնում է Իսրայելի վրա «լուրջ հարձակումով»։ ԱՄՆ պաշտոնյաները մտավախություն ունեն, որ դա կարող է տեղի ունենալ ցանկացած օր, գրում է BBC-ի ռուսական ծառայությունը։
Նրանք կարծում են, որ Թեհրանը կարող է պատասխանել ապրիլի 1-ին Սիրիայում Իրանի հյուպատոսության շենքի վրա իրականացված հարձակմանը, որը հանգեցրեց իրանցի բարձրաստիճան զինվորականների մահվան։
«Նրանք սպառնում են լուրջ հարված հասցնել Իսրայելին։ Ինչպես ես ասացի վարչապետ Նեթանյահուին՝ Իրանի և նրա վստահված անձանց այս սպառնալիքներից Իսրայելի անվտանգությունն ապահովելու մեր հանձնառությունը երկաթյա է: Թույլ տվեք ևս մեկ անգամ ասել՝ երկաթյա է: Մենք մտադիր ենք հնարավոր ամեն ինչ անել Իսրայելի անվտանգությունը պաշտպանելու համար»,- հայտարարել է ԱՄՆ նախագահը։
Վաշինգտոնում աճում են մտավախությունները Թեհրանի պաշտոնյաների կողմից կիրառվող ավելի ու ավելի ագրեսիվ հռետորաբանության առնչությամբ, ովքեր խոստացել են վրեժ լուծել Դամասկոսում Իրանի հյուպատոսության շենքի վրա իսրայելական ավիահարվածի համար, որի հետևանքով սպանվել են Իրանի հեղափոխության պահապանների կորպուսի յոթ բարձրաստիճան զինվորներ:
Սպանվածների թվում է նաև բրիգադային գեներալ Մոհամմադ Ռեզա Զահեդին, որը կարևոր գործիչ է Իսլամական հեղափոխության պահապանների կորպուսի «Քուդս» ուժերում։ Այս ուժերը պատասխանատու են արտասահմանյան գործողությունների համար: Սպանվել է նաև նրա տեղակալը՝ գեներալ Մոհամմադ Հադի Հաջի Ռահիմին։ Այս հարձակման համար Իրանն ու Սիրիան մեղադրել են Իսրայելին, որը ոչ մի կերպ չի մեկնաբանել այդ մեղադրանքները։
Իրանի գերագույն առաջնորդ այաթոլլա Ալի Խամենեին չորեքշաբթի մահմեդականների սուրբ ասմվա՝ Ռամադանի ավարտին նվիրված ելույթում ասել է, որ Իսրայելը «պետք է պատժվի և կպատժվի» Իրանի հյուպատոսության վրա հարձակման համար:
