Քաղաքականություն
10.04.2024 | 22:57
Ռուսաստանի իշխանությունները ցանկանում են այս տարի բանակում ներգրավել շուրջ 400 հազար պայմանագրային զինծառայողների՝ փոխհատուցելու Ուկրաինայի դեմ պատերազմում կրած զգալի կորուստները։ Այս մասին X-ում գրառմամբ հայտնել է Մեծ Բրիտանիայի Պաշտպանության նախարարության մամուլի ծառայությունը։
Ռուսաստանի իշխանություններն ամեն տարի գարնանն ու աշնանը երկարացնում են նոր զինծառայողների զորակոչը։ Հերթական գարնանային զորակոչը սկսվել է ապրիլի 1-ին։
Նախատեսվում է զորակոչել 18-30 տարեկան մոտ 150 հազար զինծառայողի։ Բրիտանական հետախուզության տվյալների համաձայն՝ այդ զորակոչիկները 12 ամիս կծառայեն ՌԴ զինված ուժերի բոլոր ստորաբաժանումներում, սակայն դեռևս չեն ներգրավվի Ուկրաինայում ռազմական գործողություններին։
Ուկրաինայում ռուսական զորքերը կազմված են պայմանագրային զինծառայողներից ու որոշ պահեստայիններից, որոնք մոբիլիզացվել են 2022 թվականի վերջին։
