30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ԱՄՆ-ը ՀԱՄԱՍ-ին կոչ է արել Իսրայելի հետ հրադադարի համաձայնություն ձեռք բերել
Քաղաքականություն
10.04.2024 | 18:14
ԱՄՆ-ը կոչ է արել ՀԱՄԱՍ-ին ընդունել Իսրայելի հետ հրադադարի համաձայնագիրը՝ Գազայի հատվածում մարտերը վեց շաբաթով դադարեցնելու համար։ Վաշինգտոնը նաև ՀԱՄԱՍ-ին կոչ է արել ազատ արձակել մոտ 100 պատանդի՝ Իսրայելի բանտերից հարյուրավոր պաղեստինցիների ազատ արձակման դիմաց, փոխանցում է VOA-ն:
ԱՄՆ պետքարտուղար Էնթոնի Բլինքենը Վաշինգտոնում լրագրողներին ասել է, որ ՀԱՄԱՍ-ը «շատ լուրջ» առաջարկ է ստացել անցած շաբաթավերջին Կահիրեում, որը «պետք է ընդուվի»։
«Գնդակը ՀԱՄԱՍ-ի դաշտում է։ Աշխարհը հետևում է, թե ինչ են նրանք անում»,- ասել է Բլինքենը։
Նրա խոսքով՝ այն փաստը, որ ՀԱՄԱՍ-ը դեռ չի տվել իր համաձայնությունը, «հուշում է, թե ինչ է նա մտածում Գազայի բնակիչների մասին, իսկ ավել կոնկրետ՝ շատ քիչ է մտածում»։
Բլինքենն ասել է, որ պատերազմը կարող էր ավարտվել ամիսներ առաջ, եթե ՀԱՄԱՍ-ը «վայր դներ զենքերը, դադարեցներ թաքնվել խաղաղ բնակիչների հետևում և հանձնվեր»։
