16.02.2026 | 14:41
WTA․ Էլինա Ավանեսյանը նահանջել է 20 աստիճան
Հայաստանի տարածքում երբեք Բաղանիս-Այրում, Ներքին Ոսկեպար անուններով գյուղեր չեն եղել․ Փաշինյան․ ՏԵՍԱՆՅՈՒԹ
Քաղաքականություն
10.04.2024 | 16:08
Խորհրդային Հայաստանի ու Հայաստանի տարածքում երբեք Բաղանիս-Այրում, Ներքին Ոսկեպար անունով գյուղեր չեն եղել, այս մասին ԱԺ-ում լրագրողների հետ ճեպազրույցում ասաց վարչապետ Նիկոլ Փաշինյանը։ Նրա խոսքով՝ ՀՀ տարածքում եղել է ու կլինի Ոսկեպար անունով ու Բաղանիս անունով գյուղ։
«Ես ասում եմ, թե ինչ պետք է անենք, որպեսզի կառուցենք երաշխիքների մեր համակարգը։ Ոսկեպարի որևէ բնակչի որևէ ֆորմատով ես չեմ ասել ու չեմ էլ կարող ասել, իրավունք էլ չունեմ ասելու և լեզուս էլ չի պտտվի ասել, որ մենք ՀՀ ինքնիշխան տարածքի որևէ հատված պետք է տանք որևէ մեկին։ Ուզում եմ ձեզ հիշեցնել, որ ՀՀ տարածքի փոփոխության վերաբերյալ կարող է կայացնել որոշում միայն ժողովուրդը՝ հանրաքվեի միջոցով»,- շեշտեց կառավարության ղեկավարը։
