09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Ղազախստանում ջրհեղեղների պատճառով գրեթե 100 հազար մարդ է տարհանվել
Քաղաքականություն
10.04.2024 | 15:51
Ղազախստանի արտակարգ իրավիճակների նախարարությունը հայտնել է, որ երկրում ջրհեղեղների սկզբից տարհանվել է 96,5 հազար մարդ, այդ թվում՝ 31,6 հազար երեխա։ Դուրս է մղվել ավելի քան 8,5 մլն խմ ջուր:
«Սառույցի խցանումները կանխելու նպատակով Ակմոլայի շրջանի Կորգալժին, Ատբասար, Աստրախան, Սանդիկտաու, Բուլանդինսկի շրջաններում պայթեցման գործողություններ են իրականացվել։ Տուժած շրջաններ է հասցվել 167,9 հազար կգ մարդասիրական օգնություն»,- ասվում է ԱԻՆ տարածած հայտարարության մեջ։
Ղազախստանի հինգ շրջաններում, ըստ հաղորդագրության, 3,4 հազար բնակելի շենք և 336 բակային տարածք շարունակում է հեղեղված մնալ։ Տեղի իշխանությունները հսկողություն են իրականացնում 69 բնակավայրերում, որոնք մնացել են առանց տրանսպորտային կապի։
Ջրհեղեղների պատճառով Ղազախստանի իշխանություններն արտակարգ դրություն են մտցրել երկրի տասը շրջաններում։
Նախագահ Կասիմ-Ժոմարտ Տոկաևը տարերային աղետն անվանել է վերջին 80 տարվա ընթացքում ամենամեծը մասշտաբով և հետևանքներով։
