29.04.2024 | 21:14
Ադրբեջանում քաղհասարակության հերթական ներկայացուցիչն է ձերբակալվել
Թուրքիան վիճարկում է Հունաստանի ինքիշխանությունն Էգեյանում նոր ծովային պարկի նկատմամբ
Քաղաքականություն
10.04.2024 | 23:04
Թուրքիան վիճարկում է Էգեյան ծովում նոր ծովային պարկի ստեղծման Հունաստանի ծրագիրը՝ նշելով, թե Աթենքն ինքնիշխանություն չունի տարածաշրջանի կղզիների նկատմամբ։
«Մենք խորհուրդ ենք տալիս Հունաստանին չներառել իր օրակարգում Էգեյան ծովի չլուծված խնդիրները, ինչպես նաև որոշ կղզիների և ժայռերի կարգավիճակի հետ կապված հարցեր, որոնց ինքնիշխանությունը չի փոխանցվել Հունաստանին միջազգային պայմանագրերի համաձայն։ Մենք չենք ընդունի կատարված փաստը, որը Հունաստանը կարող է ստեղծել աշխարհագրական առանձնահատկությունների վրա, որոնց կարգավիճակը վիճելի է։ Մենք նաև կցանկանայինք խորհուրդ տալ երրորդ կողմերին, այդ թվում՝ ԵՄ-ին, չդառնալ Հունաստանի՝ բնապահպանական ծրագրերի հետ կապված քաղաքական մոտիվացված փորձերի գործիք»,- ասվում է Թուրքիայի ԱԳՆ-ի հայտարարությունում, որը վկայակոչում է Greek reporter-ը։
Հունաստանն արձագանքել է Թուրքիայի պնդումներին՝ Անկարային մեղադրելով «զուտ բնապահպանական խնդիրը քաղաքականացնելու մեջ»։
«Թուրքիայի ԱԳՆ հայտարարությունը քաղաքականացնում է զուտ բնապահպանական խնդիրը։ Շրջակա միջավայրի պաշտպանության համընդհանուր մարտահրավերը պետք է բարձրացնի կառավարությունների իրազեկվածությունը, և ոչ թե օգտագործվի տպավորություններ ստեղծելու համար»,- հայտարարել է Հունաստանի ԱԳՆ-ն։
Նշվում է, որ հունական կառավարությունը շարունակելու է հաստատակամորեն աջակցել երկրի ինքնիշխանությանն ու ինքնիշխան իրավունքներին՝ արտաքին քաղաքականության սկզբունքների շրջանակում։
Ավելի վաղ Հունաստանը հայտարարել էր, որ երկու նոր ծովային պարկ է բացելու Էգեյան և Հոնիական ծովերում՝ այս շաբաթ Աթենքում կայանալիք «Մեր օվկիանոսը» համաժողովին համընթաց։
