03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
ԱՄՆ Պետդեպը հրատապ 138 մլն դոլար է հատկացրել Ուկրաինային հակաօդային պաշտպանության ուժեղացման համար պահեստամասեր մատակարարելու նպատակով
Քաղաքականություն
10.04.2024 | 14:30
ԱՄՆ Պետքարտուղարությունն արտակարգ թույլտվություն է տրամադրել Կիևին հատկացնել 138 մլն դոլար՝ Hawk զենիթահրթիռային համակարգերի պահեստամասերի և դրանց վերանորոգման ծառայությունների համար, գրում է BBC-ի ռուսական ծառայությունը։
Ըստ հրապարակման՝ դա կօգնի Ուկրաինային պահպանել հակաօդային պաշտպանության այս համակարգը՝ բնակչությանը և կարևոր ենթակառուցվածքները պաշտպանելու համար:
«Ուկրաինան շտապ պետք է մեծացնի ռուսական հրթիռային հարձակումներից պաշտպանվելու իր կարողությունը և ռուսական ուժերի օդային հնարավորությունները»,- ասվում է Պետքարտուղարության հայտարարության մեջ:
Անցած կիրակի նախագահ Զելենսկին կրկին կոչ է արել Ուկրաինայի գործընկերներին՝ մեծացնել օգնությունը ՀՕՊ համակարգերի, մասնավորապես՝ Patriot համակարգերի հետ կապված։
«Բացարձակապես ակնհայտ է, որ հակաօդային պաշտպանության համակարգերը, որ մենք ունենք Ուկրաինայում, բավարար չեն։ Աշխարհում կան հակաօդային պաշտպանության համակարգեր, որոնք կարող են օգնել մեզ։ Միայն քաղաքական կամք է պետք, որպեսզի այդ համակարգերը տեղափոխվեն Ուկրաինա»,- ասել է Զելենսկին իր երեկոյան տեսաուղերձում։
