Քաղաքականություն
10.04.2024 | 13:10
ԱՄՆ նախագահ Ջո Բայդենը Գազայի հատվածում Իսրայելի վարչապետ Բենիամին Նեթանյահուի վարած քաղաքականությունը սխալ է անվանել, փոխանցում է DW-ի ռուսական ծառայությունը։
«Ես կարծում եմ, որ այն, ինչ նա անում է, սխալ է»,- ասել է Բայդենն ամերիկյան Univision հեռուստաընկերությանը տված հարցազրույցում։
ԱՄՆ նախագահը նաև քննադատել է ապրիլի սկզբին իսրայելական անօդաչու թռչող սարքի հարձակումը և Գազայի հատվածում World Central Kitchen (WCK) մարդասիրական կազմակերպության ավտոշարասյան վրա հարձակումը, որի հետևանքով զոհվել են կազմակերպության յոթ ամերիկացի աշխատակիցներ։ Իսրայելի վարչապետ Նեթանյահուն հաստատել է, որ հարվածը սխալ է եղել և իրականացվել է Իսրայելի պաշտպանության բանակի կողմից։
Բայդենն Իսրայելին կոչ է արել հրադադար հաստատել Գազայի հատվածում և լիարժեք մարդասիրական օգնության հասանելիությունն ապահովել Գազայի հատված «առաջիկա վեցից ութ շաբաթների ընթացքում»:
ԵՄ-ն ևս քննադատել է Իսրայելին։ Ավելի վաղ Եվրամիության արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը կոչ էր արել հետաքննություն անցկացնել և դատապարտել էր Իսրայելի հարձակումը մարդասիրական ավտոշարասյան վրա։
