15.05.2024 | 23:54
25 հեկտար հողերը կվերադարձվեն Կիրանցին, ճանապարհի տեղափոխման խնդիր կա. վարչապետի աշխատակազմ
ԱՄՆ-ն Ուկրաինային է փոխանցել զենքերը, որոնք առգրավվել են Իրանից հութիներին փոխանցելու ժամանակ
Քաղաքականություն
09.04.2024 | 17:51
Անցյալ շաբաթ ԱՄՆ կառավարությունն ուկրաինացի զինվորականներին է փոխանցել ավելի քան 5,000 միավոր AK-47 ինքնաձիգ, գնդացիր, դիպուկահար հրացաններ, RPG-7 և 7,62 մմ տրամաչափի ավելի քան 500,000 փամփուշտ։ Այս մասին հայտարարել է ԱՄՆ Կենտրոնական հրամանատարությունը, փոխանցում է BBC-ի ռուսական ծառայությունը։
Այս հրազենային զենքերն ու զինամթերքն առգրավվել են ԱՄՆ Կենտրոնական հրամանատարության և դաշնակից նավատորմերի կողմից առանց դրոշի նավարկող 4 տարանցիկ նավերից՝ 2021 թվականի մայիսից մինչև 2023 թվականի փետրվար ընկած ժամանակահատվածում:
Դրանք Իսլամական հեղափոխության պահապանների կորպուսի (ԻՀՊԿ) կողմից պետք է փոխանցվեին Եմենի հութիներին՝ խախտելով Անվտանգության խորհրդի բանաձևը, ասվում է ՄԱԿ-ի, ԱՄՆ Կենտրոնական հրամանատարության հայտարարության մեջ։
«Այդ զենքերը կօգնեն Ուկրաինային պաշտպանվել ռուսական ներխուժումից, դրանք բավական են մեկ բրիգադ զինելու համար»,- նշել են ամերիկացի զինվորականները։
