24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Լիտվայում ձերբակալվել է ՌԴ դեսպանատան վրա հարձակման մեջ կասկածվողը
Քաղաքականություն
09.04.2024 | 16:59
Վիլնյուսում ձերբակալվել է Ռուսաստանի դեսպանատան վրա հարձակման մեջ կասկածվողը, հայտնում է Delfi-ն։
Ապրիլի 7-ի գիշերը անհայտ անձը «Մոլոտովի կոկտեյլ» էր նետել ՌԴ դեսպանատան շենքի վրա, ապրիլի 8-ի գիշերը նա կրկնել է իր արարքը։ Ոստիկանության տվյալներով՝ վնասվել է դիվանագիտական ներկայացուցչության շենքի պատը։
Ձերբակալվածի անունը չի հաղորդվում։ Աղբյուրը գրում է, որ նա 1974 թվականին ծնված տղամարդ է, նախկինում ևս «հայտնվել է իրավապահ մարմինների ուշադրության կենտրոնում»։
Մարտին նմանատիպ դեպք էր տեղի ունեցել Մոլդովայում։ 54-ամյա տղամարդը երկու «Մոլոտովի կոկտեյլ» էր նետել Քիշնևում ՌԴ դեսպանատան տարածքի վրա, որտեղ ընտրատեղամաս էր բացվել՝ նախագահական ընտրություններում քվեարկելու համար։ Նրան բերման էին ենթարկել։
Ձերբակալվածը Մոլդովայի քաղաքացի է։ Նա պնդել է, որ նաև Ռուսաստանի քաղաքացիություն ունի։ Հարցաքննության ժամանակ տղամարդն իր գործողությունները բացատրել է նրանով, որ դժգոհ է ՌԴ իշխանությունների գործողություններից։
