24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
ԱՄՆ-ն անհանգստացած է ՌԴ-ի և Չինաստանի միջև համագործակցության ընդլայնման կապակցությամբ
Քաղաքականություն
09.04.2024 | 16:29
ԱՄՆ-ը մտահոգություն է հայտնել Ռուսաստանի և Չինաստանի միջև աճող համագործակցության կապակցությամբ։ Ըստ Վաշինգտոնի՝ Պեկինն օգնում է Ուկրաինայում ռուս զինվորականներին, գրում է VOA-ն։
«Հակամարտության հենց սկզբից մենք մտահոգված էինք, որ ՉԺՀ-ն աջակցում է Ուկրաինայի դեմ Ռուսաստանի պատերազմին։ Հատկապես մտահոգիչ են վերջին ամիսներին [Պեկինի] ջանքերը՝ օգնելու Ռուսաստանին վերականգնել իր ռազմարդյունաբերական բազան»,- ասել է Պետքարտուղարության Մեթյու Միլլերը:
Նա նշել է, որ ԱՄՆ-ն այդ հարցը բարձրացրել է ողջ աշխարհից մի քանի դաշնակիցների և գործընկերների հետ հանդիպումներում:
«Վերջին ամիսներին մենք տեսանք, որ Չինաստանի Ժողովրդական Հանրապետությունը սկսել է վերակառուցել այդ արդյունաբերական բազան։ Ըստ էության, նրանք փոխարինում են եվրոպացի գործընկերների հետ առևտուրը, որը դադարեցվել էր ներխուժումից և պատժամիջոցներից հետո, և օգնում են մատակարարել բաղադրիչներ, որոնք մեծացնում են Ուկրաինայի վրա հարձակվելու՝ Ռուսաստանի կարողությունը: Դա, իհարկե, երկարաժամկետ հետևանքներ ունի Եվրոպայի և ամբողջ աշխարհի անվտանգության համար», – ասել է Միլլերը:
Ըստ նրա՝ ԱՄՆ պետքարտուղար Էնթոնի Բլինքենը բարձրացրել է այդ հետևանքները վերահսկելու և, ի վերջո, «դրանք կանխելու համար միջոցներ ձեռնարկելու» անհրաժեշտությունը ողջ աշխարհում դաշնակիցների և գործընկերների հետ հանդիպումներում:
