07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Հյուսիսային Ամերիկայում միլիոնավոր մարդիկ դիտել են արևի ամբողջական խավարումը․ԼՈՒՍԱՆԿԱՐՆԵՐ
Քաղաքականություն
09.04.2024 | 13:13
Հյուսիսային Ամերիկայում միլիոնավոր մարդիկ նախօրեին դիտել են Արեգակի ամբողջական խավարումը: Բնակիչներն ու զբոսաշրջիկներն առաջինն այս երևույթը դիտարկել են Մեքսիկայի Մազաթլան քաղաքում։ Լուսինը ամբողջովին ծածկել է արևը, և երկինքը մթնել է չորս ամբողջ րոպե, գրում է Euronews-ը։
Ամբողջական խավարումը մարդիկ դիտել են նաև ԱՄՆ-ում և Կանադայում, Խաղաղ և Ատլանտյան օվկիանոսների որոշ կղզիներից: Մասնակի խավարում է դիտվել Հյուսիսային, Հարավային ու Կենտրոնական Ամերիկայում, Արևմտյան Եվրոպայում գտնվողների համար։
Մասնագետները Արեգակի ամբողջական խավարումը դիտարկում են որպես հիանալի հնարավորություն՝ ուսումնասիրելու այս երևույթի ազդեցությունը իոնոլորտի և հեռահաղորդակցության համակարգերի հնարավոր խափանումների վրա։
Նշվում է, որ Արեգակի հաջորդ ամբողջական խավարումը տեղի է ունենալու 2026 թվականի օգոստոսի 12-ին և ընդգրկելու հյուսիսային կիսագնդի մեծ տարածքներ։
