12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
ՌԴ ՆԳՆ-ում ստուգումներ են սկսել Ալեքսեյ Նավալնիի այրու՝ Յուլիա Նավալնայայի նկատմամբ
Քաղաքականություն
09.04.2024 | 13:56
Ռուսաստանի ՆԳ նախարարությունը հետաքննություն է անցկացնում Յուլիա Նավալնայայի նկատմամբ՝ կապված ՌԴ-ի դեմ պատժամիջոցներ սահմանելու կոչերի հետ։ Այս մասին ՌԻԱ Նովոստի գործակալությանը հայտնել է Պետդումայի «Եդինայա Ռոսիա» խմբակցության պատգամավոր Անդրեյ Ալշևսկիխը, փոխանցում է DW-ի ռուսական ծառայությունը։
Ալշևսկիխն ասել է, որ հենց ինքն է դիմել իրավապահ մարմիններին՝ ստուգելու բանտարկության մեջ մահացած ընդդիմադիր առաջնորդ Ալեքսեյ Նավալնիի այրու հայտարարությունները։
«Ստացել եմ պատասխան, որ իմ դիմումն ու ելույթը, որի վրա ես ուշադրություն եմ հրավիրել, ուղարկվել է քննության, որի հիման վրա որոշում կկայացվի»,- ասել է պատգամավորը։
Ռուսաստանի քրեական օրենսգրքի համաձայն՝ երկրի կամ նրա քաղաքացիների նկատմամբ «սահմանափակող միջոցներ» մտցնելու կոչը կարող է հանգեցնել մինչև երեք տարվա ազատազրկման։
Նավալնիի հիմնած Կոռուպցիայի դեմ պայքարի հիմնադրամի տնօրեն Իվան Ժդանովը նշել է, որ դեռևս վաղ է խոսելը քրեական գործ հարուցելու մասին, ՆԳՆ-ն պարտավորված է իրավաբանորեն դիմումի հիման վրա ստուգումներ իրականացնել։
«Բայց այն, որ Յուլիա Նավալնայային կհետապնդեն հնարավոր բոլոր մեթոդներով, կասկած չկա»,- գրել է Ժդանովը Telegram-ում։
