06.04.2026 | 17:03
Իսրայելի կողմից նոր հարված է հասցվել Իրանի Հարավային Պարս գազային օբյեկտին
Ֆրանսիան, Հորդանանն ու Եգիպտոսը կողմ են Գազայի հատվածում կրակի դադարեցմանը
Քաղաքականություն
09.04.2024 | 15:55
Ֆրանսիայի, Հորդանանի և Եգիպտոսի ղեկավարները համատեղ հայտարարությամբ կոչ են արել անհապաղ հրադադար հաստատել Գազայի հատվածում։
«Պատերազմը Գազայի հատվածում և դրա պատճառած աղետալի հումանիտար աղետը պետք է անհապաղ ավարտվի։ Բռնությունը, ահաբեկչությունը և պատերազմը չեն կարող խաղաղություն բերել Մերձավոր Արևելքին»,- ասվում է Ֆրանսիայի նախագահ Էմանուել Մակրոնի, Հորդանանի թագավոր Աբդալլահ II-ի և Եգիպտոսի նախագահ Աբդել Ֆաթահ աս-Սիսիի համատեղ հոդվածում, որը հրապարակվել է մի շարք լրատվամիջոցներում, այդ թվում՝ The Washington Post-ում։
Հոդվածում ընդգծվում է, որ իսրայելական և պաղեստինյան պետությունների համակեցության վրա հիմնված լուծումը «միակ վստահելի ճանապարհն է՝ ապահովելու խաղաղությունն ու անվտանգությունը բոլորի համար և երաշխավորելու, որ ո՛չ պաղեստինցիները, ո՛չ իսրայելցիները երբեք ստիպված չեն լինի վերապրել այն սարսափը, որը նրանք ապրում են հոկետեմբերի 7-ից»։
