14.12.2024 | 19:57
Ինչ իրավիճակ է ճանապարհներին 19։35-ի դրությամբ
Հայ կառուցողական կուսակցության ղեկավար Անդրիաս Ղուկասյանը ԿԸՀ-ի դիմաց պահանջում է Տիգրան Մուկուչյանի հրաժարականը. ՏԵՍԱՆՅՈՒԹ
Քաղաքականություն
21.08.2018 | 19:13
Հայ կառուցողական կուսակցության ղեկավար Անդրիաս Ղուկասյանը բողոքի ակցիա է իրականացրել Կենտրոնական ընտրական հանձնաժողովի դիմաց՝ պահանջելով ԿԸՀ-ի նախագահ Տիգրան Մուկուչյանի հրաժարականը: Այս մասին տեղեկանում ենք նրա ֆեյսբուքյան էջում հրապարակված տեսանյութից:
«Մենք գտնում ենք, որ Մուկուչյանը պետք է հեռանա, և նա չի կարող մեր երկրում ղեկավարել որևէ ընտրություն ու հանրաքվե: Հանձնաժողովը, որը 2011 թվականից ի վեր կեղծարարությամբ է զբաղվել բոլոր ընտրություններում և սպասարկել է 2012 թվականի խորհրդարանական ընտրություններին իշխանությունների յուրացումը, 2013 թվականի նախագահական ընտրություններում իշխանությունների յուրացումը և իշխանության նկատմամբ մոնոպոլիայի ձևավորումը ՀՀԿ-ի ձեռքում, 2015թ. հանրաքվեի կեղծումը և այլն: Այդ բոլոր հանցագործությունները իրականացրած թիմը չի կարող ղեկավարել այսօրվա ընտրությունները»,- ասում է Անդրիաս Ղուկասյանն ու ԿԸՀ բերված կարգախոսներով «բացում» ԿԸՀ հապավումը. կանեփ ընդունած հանձնաժողով, կազմակերպված ընտրագողերի համագործակցություն, կեղծարարների ընդհանուր հավաքատեղի, կորած ընտրողների հավաքագրում, կեղծ ընտրացուցակների հաշվառում:
