07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Օրենբուրգի քաղաքապետը հայտնել է ջրհեղեղային իրավիճակի վատթարացման մասին՝ մարդկանց հեռանալու կոչ անելով
Քաղաքականություն
08.04.2024 | 16:07
Օրենբուրգում ջրհեղեղի հետ կապված իրավիճակը վատթարանում է։ Քաղաքապետ Սերգեյ Սալմինը տեսաուղերձ է հրապարակել, որում նշում է, որ «իրավիճակը միայն կվատթարանա առաջիկա երկու օրվա ընթացքում», փոխանցում է BBC-ի ռուսական ծառայությունը։
«Ջրի մակարդակը, ըստ փորձագետների, կգերազանցի վտանգավոր մակարդակը»,- նշել է Սալմինը։
Նա բնակիչներին կոչ է արել դրան չսպասել, այլ «հենց հիմա հեռանալ»՝ «բացարձակապես բոլորը, որոնք գտնվում են ջրհեղեղի գոտում»։
Ավելի վաղ Սալմինը հայտարարել էր, որ Օրենբուրգը «նման ջուր չի տեսել 1942 թվականից ի վեր», երբ Ուրալ գետի ջրի մակարդակը հասել է 946 սմ-ի (այսօր տեղական ժամանակով առավոտյան ժամը 8-ին ջուրը բարձրացել է մինչև 872 սմ-ի):
ՌԴ ԱԻ փոխնախարար Վիկտոր Յացուցենկոն էլ հայտնել է, որ Ուրալ գետի երկայնքով ջրհեղեղի ալիքն այժմ Օրսկից շարժվում է Օրենբուրգ։
