15.01.2026 | 18:10
Կվերակառուցվի Երևանի Օղակաձև զբոսայգու որոշ հատվածը՝ նոր ճեմուղիներ, նստարաններ
Ուկրաինան ներգրավված չէ Զապորոժիեի ԱԷԿ-ի վրա հարձակումներին
Քաղաքականություն
08.04.2024 | 13:33
Ուկրաինայի գլխավոր հետախուզության վարչությունը հայտարարել է, որ Ուկրաինան ներգրավված չէ օկուպացված Զապորոժիեի ատոմակայանի վրա հարձակումներին, որոնք վերջին շրջանում հաճախակի են դարձել, գրում է BBC-ի ռուսական ծառայությունը։
Կիրակի Ատոմային էներգիայի միջազգային գործակալության (ՄԱԳԱՏԷ) ղեկավար Ռաֆայել Գրոսսին հայտարարել է Զապորոժիեի ատոմակայանի տարածքում անօդաչու թռչող սարքի պայթյունի մասին՝ չհստակեցնելով, թե հակամարտության որ կողմն է այն գործարկել։
Ավելի ուշ Գրոսսին հայտնել է առնվազն երեք ուղիղ հարվածների մասին Զապորոժիեի ԱԷԿ-ի ռեակտորի հիմնական պաշտպանիչ կառույցին՝ կայանի վրա հարձակումներն անվանելով անխոհեմ և խոշոր միջուկային վթարի վտանգը զգալիորեն մեծացնող:
«Ուկրաինան ներգրավված չէ որևէ զինված սադրանքների մեջ Ռուսաստանի կողմից օկուպացված ԶԱԷԿ-ի տարածքում։ Ագրեսոր պետությունը կրկին վտանգի տակ է դնում միջուկային օբյեկտը, խաղաղ բնակչությանը և շրջակա միջավայրն ամբողջ Եվրոպայում»,- «Ուկրաինսկայա պրավդա»-ին ասել է Ուկրաինայի գլխավոր հետախուզության վարչության ներկայացուցիչ Անդրեյ Յուսովը։
Զապորոժիեի ատոմակայանը 2022 թվականի գարնանից օկուպացված է ռուսական զորքերի կողմից և պարբերաբար ենթարկվում է գնդակոծությունների, ինչի համար Ուկրաինան և Ռուսաստանը մեղադրում են միմյանց։
