17.03.2026 | 11:34
Հայաստանի Պրեմիեր լիգա․ Առաջատարի հաղթանակը, լավագույն ռմբարկուի դուբլն ու տուրի տեսաամփոփումը
ՌԴ-ն «Շահեդ»-ներով հարձակվել է Ուկրաինայի վրա. Ժիտոմիրի և Օդեսայի շրջաններում ենթակառուցվածքներ են վնասվել
Քաղաքականություն
08.04.2024 | 12:34
Ապրիլի 7-ի լույս 8-ի գիշերը ռուսական զորքերը հարձակվել են Ուկրաինայի վրա 24 «Շահեդ» տեսակի կամիկաձե անօդաչու թռչող սարքերով, Ուկրաինայի հակաօդային պաշտպանության ուժերը խոցել են անօդաչու թռչող սարքերը Նիկոլաևի, Օդեսայի, Կիրովոգրադի, Խմելնիցկիի և Ժիտոմիրի շրջաններում, հայտնել է Ուկրաինայի ռազմաօդային ուժերի հրամանատարությունը, փոխանցում է Current Time-ը։
Ուկրաինայի հարավի պաշտպանության ուժերը պարզաբանել են, որ յոթ անօդաչու թռչող սարք է ոչնչացվել, չորսը՝ Օդեսայում, երկուսը՝ Նիկոլաևում և մեկը՝ Կիրովոգրադի մարզում։
Օդեսայի մարզում, ըստ շրջանի ղեկավար Օլեգ Կիպերի, վնասվել է նյութատեխնիկական և տրանսպորտային օբյեկտ։ Խոցված «Շահեդ»-ի բեկորները վնասել են նաև Օդեսայի մարզում գտնվող գազալցակայանը։ Խաղաղ բնակիչների շրջանում զոհեր և վիրավորներ չկան։
Նիկոլաևի մարզում խոցված անօդաչու թռչող սարքի բեկորները վնասել են բարձրավոլտ էլեկտրահաղորդման գծերը՝ առանց էլեկտրականության թողնելով 14 բնակավայր, հայտնել է շրջանային ռազմական վարչակազմի ղեկավար Վիտալի Կիմը։
Ժիտոմիրի շրջանում ռուսական կամիկաձե անօդաչուները գրոհել են կարևոր ենթակառուցվածքի օբյեկտը, հակաօդային պաշտպանության ուժերը խոցել են անօդաչուներից մի քանիսը, ըստ նախնական տեղեկությունների՝ զոհեր և վիրավորներ չկան, հայտնել է շրջանի ղեկավար Վիտալի Բունեչկոն։
