29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Թեհրանում հայտարարել են, որ Դամասկոսում հարձակման համար Իսրայելից վրեժ լուծելու որոշումն արդեն կայացվել է
Քաղաքականություն
05.04.2024 | 20:48
Իսրայելից վրեժ լուծելու որոշումն արդեն կայացվել է և անպայման կիրականացվի Դամասկոսում Իրանի դեսպանատան հյուպատոսական բաժնի վրա հարձակման համար, որի հետևանքով զոհվել է 13 մարդ, այդ թվում՝ Իսլամական հեղափոխության պահապանների կորպուսի երկու գեներալներ։ Նման հայտարարությամբ է հանդես եկել Իսլամական հեղափոխության պահապանների կորպուսի նախկին հրամանատար (1981-1997 թթ.), քաղաքական նպատակահարմարությունը որոշող խորհրդի ներկայիս ղեկավար, գեներալ Մոհսեն Ռեզաին, փոխանցում է Iran International-ը։
«Վրեժ լուծելու որոշումն ընդունված է, և այն անպայման կիրականացվի։ Իրանի ժողովուրդը պետք է վստահ լինի, որ այս որոշումը սիոնիստական ռեժիմին կստիպի զղջալ»,- ասել է նա Երուսաղեմի օրվան (Quds Day or ‘Jerusalem Day’),) նվիրված հանդիսավոր միջոցառման ժամանակ։
Իրանի 2000 քաղաքներում հանրապետության հիմնադիր այաթոլլա Խոմեյնիի կողմից ի նշան Պաղեստինի հետ համերաշխության սահմանած տոնի կապակցությամբ բազմահազարանոց ցույցեր են անցկացվել «Մահ Իսրայելին» և «Մահ Ամերիկային» կարգախոսներով։
Հիշեցնենք, որ ապրիլի 1-ին Դամասկոսում Իրանի հյուպատոսարանը ենթարկվել է հարձակման, որի մեջ Իրանը մեղադրում է Իսրայելին: Իսրայելը չի ստանձնել հարձակման պատասխանատվությունը, սակայն չի էլ հերքել։
