03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Ուկրաինայում ՌԴ-ի հաստատված կորուստների թիվը գերազանցել է 50 հազարը
Քաղաքականություն
05.04.2024 | 21:54
Ըստ Mediazona-ի և BBC-ի համատեղ հաշվարկի՝ Ուկրաինայի հետ պատերազմում զոհվել է առնվազն 50 հազար ռուս զինվոր: Մահացածների առնվազն 43%-ը կապված չէր բանակի հետ Ուկրաինա ռուսական լայնածավալ ներխուժման սկզբում․ հաստատված կորուստների 18%-ը գերիներ են, 13%-ը՝ կամավորներ, 12%-ը՝ մոբիլիզացված, ասված է հրապարակման մեջ։
Տեղեկացվում է, որ զոհված զինվորականների 28%-ի պարագայում չի հաջողվել պարզել որևէ զորամիավորման պատկանելությունը, քանի որ ՌԴ իշխանություններն այժմ շատ ավելի քիչ տեղեկություններ են հայտնում զոհվածների մասին, քան պատերազմի սկզբում։
Բայց նման մահախոսականներին, որպես կանոն, ուղեկցվում են քաղաքացիական հագուստով զինծառայողների լուսանկարներ, որոնց հիման վրա կարելի է ենթադրել, որ «տվյալներ չկան» բաժնում գտնվողների զգալի մասը նախկինում առնչություն չի ունեցել ռազմական կառույցների հետ մինչ Ուկրաինա լայնամասշտաբ ներխուժման սկիզբը։ Հաշվի առնելով սա՝ «քաղաքացիական կյանքից» պատերազմ մեկնածների տեսակարար կշիռը կարող է հասնել ռուսական բանակի կենդանի ուժի կորուստների ընդհանուր թվի 70%-ին։
Հետազոտության մեջ օգտագործվել են բաց աղբյուրներից ստացված կորուստների տվյալները՝ պաշտոնյաների և լրատվամիջոցների հաղորդումներ, զոհերի հարազատների հրապարակումները սոցիալական ցանցերում, հուղարկավորության վայրերից ստացված տեղեկությունները: 2022 թվականի փետրվարի 24-ից ռուսական բանակում կորուստների իրական թիվը (բացառությամբ, այսպես կոչված, «ժողովրդական հանրապետությունների» տարածքների զինվորականների) կարող է շատ ավելին լինել, ասվում է հետազոտության մեջ։
