12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
ԱՄՆ-ը նախատեսում է Հայաստանին տրամադրել ավելի քան 65 մլն դոլար․ Բլինքեն
Քաղաքականություն
05.04.2024 | 15:19
ԱՄՆ-ը ՀՀ-ին կտրամադրի ավելի քան 65 միլիոն դոլարի օգնություն։ Այս գումարը 50%-ով ավելի է, քան երկու տարի առաջ, Բրյուրսելում հայտարարել է ԱՄՆ պետքարտուղար Էնթոնի Բլինքենը Փաշինյան-ֆոն դեր Լեյեն-Բլինքեն եռակողմ հանդիպմանն ընդառաջ տեղի ունեցած ճեպազրույցի ժամանակ։
«Մենք նախատեսում ենք տրամադրել ավելի քան 65 միլիոն դոլարի օգնություն 2023 ֆինանսական տարվա մեր բյուջեի միջոցներից: Սա շուրջ 50 տոկոսով ավելի է, քան երկու տարի առաջ»,- հայտարարել է ԱՄՆ պետքարտուղարը։
Նա նաև նշել է, որ ԱՄՆ-ը ցանկանում է տեսնել ՀՀ-ն որպես ուժեղ երկիր՝ հավելելով, որ ԱՄՆ-ը կշարունակի աջակցել ԼՂ-ից տեղահանված հայերին։
«ԱՄՆ-ը կշարունակի աջակցել Լեռնային Ղարաբաղից բռնի տեղահանված հայերին, սա շատ կարևոր է Հայաստանի երկարաժամկետ կայունության համար»,- ասել է Էնթոնի Բլինքենը։
