09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Ուկրաինան կդառնա ՆԱՏՕ-ի անդամ․Բլինքեն
Քաղաքականություն
05.04.2024 | 13:52
ԱՄՆ պետքարտուղար Էնթոնի Բլինքենը Բրյուսելում ՆԱՏՕ-ի գագաթնաժողովում հայտարարել է, որ Ուկրաինան կդառնա դաշինքի անդամ, գրում է Euronews-ը։
«Ուկրաինան կդառնա ՆԱՏՕ-ի անդամ։ Մեր նպատակն է՝ օգնել այդ հարցում կամուրջ կառուցել»,-ասել է Բլինքենը, որը Բրյուսելում հանդիպել է Ուկրաինայի ԱԳ նախարար Դմիտրի Կուլեբային։
Դաշինքի անդամները բարձր են գնահատել ուկրաինացիների վճռականությունն ու հաստատակամությունը և խոստացել են շարունակել օգնություն ցուցաբերել երկրին։ Միաժամանակ ՆԱՏՕ-ի գլխավոր քարտուղար Յենս Ստոլտենբերգը ասել է․«Մենք պլաններ չունենք Ուկրաինայի տարածքում ՆԱՏՕ-ի մարտական զորքեր տեղակայել: Այդ կապակցությամբ ոչ մի հարցում չի ստացվել: Բայց ուկրաինացիները պահանջում են տեխնիկա, զինամթերք, զենք, և մենք դա տրամադրում ենք Ուկրաինային: Սա ՆԱՏՕ-ի դաշնակիցներին մասնակից չի դարձնում հակամարտությունում, բայց մենք աջակցում ենք Ուկրաինային՝ աջակցելով ինքնապաշտպանության իրավունքին»։
Ավելի վաղ էլ ՆԱՏՕ-ի անդամները համաձայնել էին իրենց ռեզերևներում Ուկրաինայի համար լրացուցիչ ՀՕՊ միջոցներ փնտրել։
