26.04.2026 | 15:53
Վթարային ջրանջատում Արմավիրի և Կոտայքի մարզերում
Սպիտակ տունը շատ անհանգստացած է «Իսրայելի և Իրանի միջև հնարավոր պատերազմով»
Քաղաքականություն
05.04.2024 | 12:34
Սպիտակ տան Ազգային անվտանգության խորհրդի խոսնակ Ջոն Քիրբին ասել է, որ Վաշինգտոնը «շատ անհանգստացած է» Իսրայելի և Իրանի միջև լարվածության սրմամբ՝ Սիրիայում Իսլամական Հանրապետության դեսպանատան վրա ավիահարվածից հետո, որը հանգեցրել է զոհերի, գրում է VOA-ն։
Թեհրանը նախազգուշացրել է, որ իրեն «վերապահում է իր օրինական և անօտարելի պաշտպանվելու իրավունքը»՝ այն բանից հետո, երբ երկուշաբթի Դամասկոսում Իրանի հյուպատոսության վրա ավիահարված է հասցվել, որի արդյունքում մի քանի զինվորականներ, այդ թվում՝ երկու բարձրաստիճան հրամանատարներ են սպանվել:
Իրանի իշխանությունները հարձակման համար մեղադրել են Իսրայելին։
Ելույթ ունենալով CNN-ի եթերում՝ Քիրբին ասել է, որ Սպիտակ տունը «մտահոգված է» հարձակման լույսի ներքո Իրանի և Իսրայելի միջև լարվածությունը լայնամասշտաբ պատերազմի վերածվելու հնարավորությամբ:
«Բոլորս դրան շատ, շատ լուրջ ենք վերաբերվում։ Ոչ ոք չի ցանկանում ականատես լինել այս հակամարտության սրմանը»,- հավելել է նա:
