01.11.2024 | 23:19
Հրդեհ Գյումրու տներից մեկում
Պայթյուններ ՌԴ տարբեր մարզերում․ խոցվել է 53 անօդաչու թռչող սարք. ՌԴ ՊՆ
Քաղաքականություն
05.04.2024 | 11:33
Ռուսաստանի պաշտպանության նախարարությունը հայտնել է երկրի տարածքում անօդաչու թռչող սարքերի զանգվածային գրոհի մասին։ Գերատեսչության տվյալներով՝ հակաօդային պաշտպանության ուժերը Ռոստովի, Սարատովի, Կուրսկի, Բելգորոդի մարզերում և Կրասնոդարի երկրամասում խոցել են 53 ԱԹՍ, փոխանցում է Current Time-ը։
Ինչպես ասվում է ՊՆ-ի հաղորդագրության մեջ, Ռոստովի մարզում խոցվել է 44 անօդաչու թռչող սարք, վեցը՝ Կրասնոդարի երկրամասում, մեկական՝ Սարատովի, Կուրսկի և Բելգորոդի մարզերում։
Ռոստովի մարզում անօդաչուների թիրախը եղել է Մորոզովսկը, որտեղի օդանավակայանից օդ են բարձրանում Су-24, Су-24М և Су-34 ռմբակոծիչները։ Կրասնոդարի երկրամասի Յեյսկի բնակիչները պատմել են, որ բացի ուժգին պայթյուններից, իրենք լսել են նաև ավտոմատների կրակոցների ձայնը՝ նաև տեղի օդանավակայանի տարածքում։ Սարատովի մարզում մի քանի պայթյուններ են լսվել Էնգելսի վրա, որտեղ տեղակայված են Տու-95 և Տու-22 ծանր ռմբակոծիչները։
