21.10.2026 | 11:55
Ռուսաստանը գրոհել է Կիևի, Խարկովի և Պոլտավայի մարզերը․ զոհեր և վիրավորներ կան
Վստահ եմ՝ Ռոբերտ Քոչարյանը կրկին կկալանավորվի․ Արարատ Զուրաբյան․ ՏԵՍԱՆՅՈՒԹ
Քաղաքականություն
21.08.2018 | 14:20
Հասարակությունն, ի վերջո, 20 տարի անց կարողացել է վերականգնել սահմանադրական կարգ, և այն իշխանությունը, որը ձևավորվում էր ժողովրդավարության չափանիշներին հակառակ, հիմա անցյալում է․ այժմ կա իշխանություն, որը ՀՀ-ում սկիզբ է դրել լուրջ գործընթացների և հսկայական աշխատանք է տարել նաև «Մարտի 1-ի» գործի բացահայտման ուղղությամբ։
Այսօր հրավիրված մամուլի ասուլիսի ժամանակ նման տեսակետ հայտնեց ԱԺ «Ծառուկյան» խմբակցության պատգամավոր Արարատ Զուրաբյանը՝ շեշտելով՝ անկախ նրանից, որ այս պահին Ռոբերտ Քոչարյանն ազատության մեջ է, միևնույնն է, վստահ է, որ 2-րդ նախագահը կրկին կկալանավորվի։
«Ոչ թե կարծում եմ՝ այլ համոզված եմ դրանում, նա առաջիկայում կրկին կկալանավորվի, քանի որ գործել է խմբավորում, որը բռնի կերպով ճնշել է խաղաղ ցուցարարներին։ Այն մարմինը, որը ստեղծված է եղել այդ ժամանակ, գործել է Քոչարյանի գլխավորությամբ։ Սա մի կծիկ է, որի մի ծայրից, երբ բռնում և քանդում ես, տեսնում ես, որ յուրաքանչյուրն, ով կարող է հայտնվել վատ վիճակում, սկսում է պատմել և խոսել, և հիմա այս գործով ի հայտ կգան մարդիկ, որոնց մասին մենք մոռացել ենք՝ օրինակ ոչ ոք չի խոսում Հայկ Հարությունյանի մասին»,- ասաց Արարատ Զուրաբյանը։
Մանրամասները՝ տեսանյութում։
