03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Դեռ չեմ հրավիրվել դատարան, և երբ հրավիրվեմ, կաշկանդված չեմ և կներկայանամ․ Վ․ Օսիպյանը՝ ՊՊԾ գնդի գործով դատաքննության մասին
Հասարակություն
21.08.2018 | 13:15
Մարտի 1-ի գործին իմ առնչությունն այնքան է, որքան մյուս ոստիկաններինը, իսկ ոստիկանության ՊՊԾ գնդի գործով դատաքննությանը հրավիրվելու դեպքում կներկայանամ:
Այս մասին այսօր լրագրողների հետ հանդիպման ժամանակ ասաց ՀՀ ոստիկանության պետ Վալերի Օսիպյանը՝ շեշտելով․
«Ես ունեմ իմ հստակ տեսակետը և գնահատականը այդ ամենին, որի մասին կասեմ հետո։ Նրանք հերոսներ են, թե ոչ, կգնահատի դատարանը, կգնահատի պատմությունը, կգնահատի ժամանակը, հայ ժողովուրդը»:
Հարցին՝ ՊՊԾ գնդի գործով ինքը տուժողի կարգավիճակ ունի, արդյոք հրավիրվելու դեպքում կներկայանա, Վալերի Օսիպյանը պատասխանեց․
«2008-ի մարտի 1-ին ես պարեկապահակային ծառայության գնդապետի տեղակալ եմ եղել։ Բոլորիդ հայտնի է, որ անմիջական առնչություն ունեմ այդ գործին, 7-8 օր մնացել եմ ՊՊԾ գնդում: Դատաքննության վերաբերյալ որևէ դիրքորոշում չեմ հայտնի, քանի որ արդարադատությունը ՀՀ-ում իրականացնում է դատարանը, իսկ, ինչ վերաբերում է ինձ, ապա ես դեռ չեմ հրավիրվել դատարան, և երբ հրավիրվեմ, ապա կաշկանդված չեմ և կներկայանամ դատարան»:
