15.01.2026 | 15:00
Իրանում 2 հայ է զոհվել // Հեղուկ գազի թանկացման պատճառը՝ ըստ Պապոյանի․ ԼՈՒՐԵՐ
Ալեքսեյ Նավալնին արժանացել է Դրեզդենի խաղաղության մրցանակին
Քաղաքականություն
04.04.2024 | 16:19
Բանտում մահացած ռուս ընդդիմադիր քաղաքական գործիչ Ալեքսեյ Նավալնին արժանացել է Դրեզդենի խաղաղության մրցանակին։ Այն շնորհվում է անձանց, որոնք ակնառու ներդրում ունեն խաղաղության և միջազգային փոխըմբռնման գործում, գրում է Deutsche Welle-ն։
Մրցանակաբաշխությունը տեղի կունենա Դրեզդենում մայիսի 12-ին։ Մրցանակը կստանա քաղաքական գործչի այրին՝ Յուլիա Նավալնայան։
Դրեզդենյան խաղաղության մրցանակը շնորհվում է 2010 թվականից։ Դափնեկիրների թվում են երկու ռուսներ՝ ԽՍՀՄ նախագահ Միխայիլ Գորբաչովը (2010 թվականին) և ռազմական սպա Ստանիսլավ Պետրովը (2015 թվականին), որոնք 1983 թվականին կանխել են ԽՍՀՄ-ի և ԱՄՆ-ի միջև հնարավոր միջուկային հակամարտությունը։
Նավալնին նաև ստացել է American Civic Courage Award, Ժնևի Մարդու իրավունքների ֆորումի Courage Award, Freedom Forum Free Speech Award և այլ մրցանակներ՝ ժողովրդավարական արժեքների ու քաղաքացիական ներգրավվածության խթանման համար:
Ալեքսեյ Նավալնին մահացել է փետրվարի 16-ին Յամալո-Նենեց ինքնավար շրջանի Խարպ քաղաքի գաղութում։ Մահվան եզրակացությունում ասվում է, որ մահվան պատճառները «բնական» են։ Քաղաքական գործչի գործընկերները կարծում են, որ Նավալնին սպանվել է։
