09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Մեծ Բրիտանիայի ԱԳ նախարարը բացառել է Ուկրաինա արևմտյան զորք ուղարկելը
Քաղաքականություն
04.04.2024 | 15:25
Մեծ Բրիտանիայի արտաքին գործերի նախարար Դեյվիդ Քեմերոնը բացառել է Ուկրաինա արևմտյան զորք ուղարկելը՝ ռուսական ագրեսիային հակազդելու համար։ BBC-ին տված հարցազրույցում Քեմերոնն ասել է, որ «եթե դաշնակիցները չմեծացնեն աջակցությունը, Կիևը պատերազմում կպարտվի»։
Միաժամանակ, պատասխանելով հարցին, թե պե՞տք է արևմտյան երկրներն իրենց զինվորականներին ուղարկեն Ուկրաինա, նախարարն ասել է՝ ոչ։
«Մենք չենք ցանկանում Պուտինին տալ նման նպատակ։ Ի վերջո, դա քաղաքական կամքի հարց է»,- ասել է Քեմերոնը։
Նա նաև պատմել է, որ հաջորդ շաբաթ մեկնելու է ԱՄՆ՝ կոչ անելով Կոնգրեսին ավելի շատ միջոցներ հատկացնել Ուկրաինային աջակցելու համար:
Ֆրանսիայի նախագահ Էմանուել Մակրոնը վերջերս հայտարարել էր Ուկրաինա արևմտյան զորքեր ուղարկելու հնարավորության մասին։ Նրա հայտարարություններից հետո ՆԱՏՕ-ի հիմնական երկրները, այդ թվում՝ ԱՄՆ-ն ու Գերմանիան, նշեցին, որ Ուկրաինա ՆԱՏՕ-ի զորքեր ուղարկելու հարց սեղանին չկա։ Ուկրաինայի նախագահ Վլադիմիր Զելենսկին իր հերթին ասել է, որ Կիևը երբեք դաշնակիցներից նման բան չի խնդրել։
