03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Զապորոժիեի ատոմակայանի գնդակոծության պատճառով անջատվել է էլեկտրամատակարարման գծերից մեկը. Էներգոատոմ
Քաղաքականություն
04.04.2024 | 14:23
Ուկրաինական «Էներգոատոմ» ընկերությունը հայտնում է, որ ապրիլի 4-ին ռուսական գնդակոծության հետևանքով անջատվել է Զապորոժիեի ատոմակայանի արտաքին էլեկտրամատակարարման գծերից մեկը, փոխանցում է BBC-ի ռուսական ծառայությունը։
«Էներգոատոմ»-ի տվյալներով՝ 330 կՎ լարման գիծը դադարեցրել է աշխատանքը, սակայն երկրորդը՝ 750 կՎ հզորությամբ, շարունակում է գործել։
Ըստ հաղորդագրության՝ անջատումը «կրկին սպառնում է արտակարգ իրավիճակ ստեղծել ժամանակավորապես օկուպացված Զապորոժիեի ԱԷԿ-ում, քանի որ եթե ներքին էներգահամակարգի հետ կապված վերջին գիծն անջատվի, կայանը կհայտնվի հերթական բելքաութի շեմին, ինչը կայանի անվտանգ շահագործման պայմանների լուրջ խախտման կհանգեցնի»։
Մարտի վերջին «Էներգոատոմ»-ը հայտնել էր, որ ռուսական օկուպացիայի սկզբից ի վեր ատոմակայանն ութ ամբողջական հոսանքազրկում է ապրել, իսկ մեկը՝ մասնակի։
Զապորոժիեի ատոմակայանը, որը գտնվում է Դնեպրի ձախ ափին, գրավված է ռուսական զորքերի կողմից։ Գետի աջ ափը շարունակում է մնալ Ուկրաինայի վերահսկողության տակ։
