24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Apple-ի ծառայությունների աշխատանքում համաշխարհային խափանում է գրանցվել
Քաղաքականություն
04.04.2024 | 13:49
Ըստ Downdetector ծառայության տվյալների՝ ամբողջ աշխարհում օգտատերերը բախվել են Apple-ի ծառայությունների խափանման հետ, փոխանցում է Meduza-ն։
Ապրիլի 4-ի գիշերը մի քանի ժամ շարունակ հաղորդումներ են եղել Apple Music-ի, Apple TV-ի և TV+-ի, iTunes-ի, App Store-ի, Apple Support-ի և այլ ծառայությունների աշխատանքի խափանումների մասին։ Ավստրալիայից, ԱՄՆ-ից, Կանադայից, Գերմանիայից, Մեծ Բրիտանիայից և Ռուսաստանից օգտատերերը բողոքել են խնդիրներից։
Downdetector-ի տվյալների համաձայն՝ ապրիլի 4-ին ժամը 09։30-ի սահմաններում խափանումների մասին բողոքները դադարել են ստացվել։
Ապրիլի 3-ի երեկոյան Meta-ին պատկանող սոցիալական ցանցերի և մեսենջերների՝ WhatsApp-ի, Facebook-ի և Instagram-ի աշխատանքում անսարքություններ են եղել, իսկ նախորդ օրը Telegram-ն է աշխատել ընդհատումներով։ Պաշտոնական տեղեկություն չկա, թե ինչն է եղել խափանման պատճառը։
