22.11.2024 | 19:18
Կարեն Սարուխանյանը հրապարակել է օրգանիզմում թմրանյութի առկայությունը ստուգող թեստի արդյունքները
56 մլն դրամի արտոնություն՝ Փաշինյանի խորհրդականի որդուն․ նա ՔՊ-ին մեկ մլն դրամ է նվիրաբերել
Տնտեսություն
04.04.2024 | 10:33
Կառավարությունը 56 մլն դրամի մաքսային արտոնություն է տալիս «Հիտեքս պլաստիկ» ընկերությանը։ Այս ՍՊԸ-ն զբաղվում է պլաստիկ շշերի նախակաղապարների արտադրությամբ։ Նախատեսվում է ոչ ԵՏՄ անդամ պետությունից ներկրել 1․27 մլրդ դրամի հումք և 322 մլն դրամի սարքավորումներ։
Ներկայում ընկերությունում առկա է 57 աշխատատեղ՝ 245 հազար դրամ միջին ամսական աշխատավարձով։ Ներդրումային ծրագրի շրջանակներում մինչև 2027 թվականը նախատեսվում է աշխատատեղերի թիվը հասցնել մինչև 60-ի՝ 276 հազար դրամ միջին ամսական աշխատավարձով։ Այս ընկերությունը պատկանում է Նիկոլ Փաշինյանի խորհրդական Արտաշես Թումանյանի որդուն՝ Սամվել Թումանյանին։ 2021 թվականին այս ընկերությունը ՔՊ-ին, որպես նվիրատվություն, մեկ մլն դրամ էր փոխանցել։
Նշենք, որ Ռոբերտ Քոչարյանի նախագահության շրջանում Արտաշես Թումանյանը եղել է ՀՀ նախագահի խորհրդականը, 2000-2006 թվականներին էլ եղել է նախագահի աշխատակազմի ղեկավարը՝ զուգահեռ զբաղեցնելով «Լինսի» հիմնադրամի ծրագրերի կառավարման հայաստանյան խորհրդի նախագահի պաշտոնները։ 2015 թվականին նշանակվել է Իրանում ՀՀ դեսպան՝ պաշտոնավարելով մինչև 2021 թվականը։ Դեսպանի պաշտոնը թողնելուց հետո առ այսօր Նիկոլ Փաշինյանի խորհրդականն է։
Նարեկ Կիրակոսյան
