Փաշինյանին լրացուցիչ 31,9 մլն դրամ է անհրաժեշտ, Ֆիննախից ասում են՝ գումար չկա

Տնտեսություն

04.04.2024 | 09:40

Լուրեր

26.04.2026 | 15:53

Վթարային ջրանջատում Արմավիրի և Կոտայքի մարզերում

26.04.2026 | 15:21

Իվետա Մուկուչյանի լուսանկարը կեղծվել է. կախազարդն իրականում խաչի տեսքով է

26.04.2026 | 14:53

«Հայաստանը՝ աշխարհի ամենաանվտանգ երկրների շարքում. մեծամասշտաբ միջոցառումներն անցել են առանց միջադեպերի». ՆԳՆ

26.04.2026 | 14:38

Ծանրորդ Տաթև Հակոբյանն ավարտում է պրոֆեսիոնալ կարիերան․ նա մրցահարթակին թողեց մարզակոշիկները

26.04.2026 | 14:19

Կվերականգնվի 19-րդ դարի «Քարակարմունջ» կամուրջը

26.04.2026 | 13:50

Պլանային ջրանջատում Սյունիքում

26.04.2026 | 13:38

ՃՏՊ Գեղամասար բնակավայրում․ կա տուժած

26.04.2026 | 13:20

Օդի ջերմաստիճանը կնվազի

26.04.2026 | 12:24

Ուրախ եմ լսել, որ նախագահ Դոնալդ Թրամփը և մյուս ներկաները ապահով են ու լավ վիճակում․ Նիկոլ Փաշինյան

26.04.2026 | 12:04

Կոլումբիայում ապստամբները պայթյուն են իրականացրել Պանամերիկյան մայրուղու վրա․ 14 մարդ է զոհվել

26.04.2026 | 11:38

ԵԱ-ում մրցահարթակ դուրս կգան Տաթև Հակոբյանը և Վարազդատ Լալայանը

26.04.2026 | 11:13

Վթարային ջրանջատում Երևանում

26.04.2026 | 11:01

Թրամփի մասնակցությամբ ընթրիքի ժամանակ կրակոցներ արձակած տղամարդը պատմել է, թե ով էր իր թիրախը․ CBS News

26.04.2026 | 10:44

Լարսը բաց է բոլոր տեսակի տրանսպորտային միջոցների համար

26.04.2026 | 10:17

Տղամարդը կրակ է բացել հյուրանոցում, որտեղ Թրամփը ճաշում էր ԶԼՄ-ների ներկայացուցիչների հետ

Բոլորը

ՀՀ վարչապետին և փոխվարչապետերին լրացուցիչ 31 մլն 900 հազար դրամ է անհրաժեշտ լիազորությունների իրականացումն ապահովելու համար։ Վարչապետի աշխատակազմն է այսպիսի առաջարկով դիմել Կառավարության անդամներին, որ հավանության արժանացնեն նշված գումարի տրամադրման նախագիծը։

Փաշինյանի աշխատակազմի հեղինակած փաստաթղթում գրեթե գաղտնազերծված չէ, թե ինչ նպատակով է ծախսվելու նշված գումարը, միայն մեկ տողով նշել են․ «Պետական սեփականություն հանդիսացող կառույցների ու տարածքների պայմանների բարելավման ապահովում»,-այդպես էլ հարկատուների համար առեղծվածային թողնելով նպատակները։

Ֆինանսների նախարարությունը դեմ է այս ծախսին։ Գերատեսչությունն առարկություն է ներկայացրել՝ թվարկելով Հայաստանում առկա խնդիրները և առաջարկելով ՀՀ կառավարության պահուստային ֆոնդից չհատկացնել ակնկալվող գումարը։ Բացի այս, Ֆինանսների նախարարությունն ուշադրություն է հրավիրել այն հանգամանքի վրա, որ այս ծախսը ՀՀ վարչապետի աշխատակազմի կողմից չի ներկայացվել 2024 թվականի բյուջետային հայտով, չի քննարկվել բյուջետային գործընթացի շրջանակներում և, հետևաբար, այն չի ներառվել 2024 թվականի պետական բյուջեում և բյուջեի լրացուցիչ ծախսերի առաջնահերթությունների հավելվածում։

«Ինչ վերաբերում է ՀՀ 2024 թվականի պետական բյուջեով նախատեսված ՀՀ կառավարության պահուստային ֆոնդի միջոցներին, ապա դրանք նախատեսվել են, ելնելով բյուջետային տարվա ընթացքում հնարավոր մակրոտնտեսական ռիսկերին դիմակայելու, ինչպես նաև չկանխատեսված հումանիտար և սոցիալական մարտահրավերներին դիմագրավելու միտումով՝ հաշվի առնելով Լեռնային Ղարաբաղից բռնի տեղահանված բնակչության սոցիալական և բնակարանային ապահովման խնդիրների կարգավորման հրատապությունը: Հետևաբար, հաշվի առնելով բյուջետային տարին նոր սկսված լինելու հանգամանքը, ինչպես նաև ներկա փուլում առկա անորոշությունները, առաջարկում ենք ձեռնպահ մնալ ՀՀ կառավարության պահուստային ֆոնդից չպլանավորված և առաջնահերթություն չհամարվող ծախսերի ֆինանսավորման համար հատկացումների կատարումից»,- նշված է ֆինանսական գերատեսչության առարկությունում։

Ֆինանսների նախարարությունն առաջարկում է ծախսը կատարել վարչապետի աշխատակազմի համար արդեն իսկ հաստատված բյուջեով։

Փաշինյանի աշխատակազմի համար այս հիմնավորումներն ընդունելի չեն եղել։ Պատասխանում կարդում ենք, որ ծախսերը նոր են առաջացել, իսկ վարչապետի աշխատակազմում ազատ ֆինանսական միջոցներ չկան։

Նարեկ Կիրակոսյան